Ева Лонгорија се вброи меѓу домаќините на хуманитарна гала во Марбеља, Шпанија.
47-годишната ѕвезда од „Очајни домаќинки“ присуствуваше на свеченоста на „Global Gift“, непрофитна организација фокусирана на олеснување на животот на деца, жени и семејства.
На отмениот настан, Лонгорија изгледаше сензационално во бела креација од дизајнерот со македонско потекло Тони Матичевски. Фустанот со асиметрично деколте таа го искомбинира со сребрени сандали на штикла и ситни дијамантски обетки.
Матичевски е еден од најпознатите дизајнери во Австралија, каде што неговите родители се преселиле уште додека Македонија беше дел од Југославија.
