Ријана се врати на местото на кое започна нејзината приказна, но овој пат со своите три деца.
38-годишната пејачка ги одведе синовите Риза и Риот и малата ќеркичка Роки Ајриш во населбата во Барбадос во којашто порасна.
Улицата порано била позната како „Westbury New Road“, а во 2017 година официјално била преименувана во „Rihanna Drive“, во чест на музичката дива која таму го поминала детството.
Ријана сподели неколку фотографии и видео од емотивниот семеен момент, на кои позира со своите деца покрај таблата со нејзиното име. Таа во рацете ја држи ќеркичката Роки, додека покрај неа се Риза и Риот.
„Една минута се чувствувам како тоа дете од Вестбери... а следната, ги носам моите деца назад на ‘Rihanna Drive’. Неверојатно е како функционира животот!“ - напиша Ријана, која на своите деца им покажа дел од местото на кое го поминала детството и од каде започнал нејзиниот пат кон светската слава.
Ријана трите деца ги има со партнерот Ејсап Роки.
