Емотивен момент: Марија Шерифовиќ му посвети песна на покојниот Саша Поповиќ на концертот во Белград
Марија Шерифовиќ го одржа првиот од петте распродадени концерти во Сава центарот во Белград.
40-годишната пејачка издвои дел од музичкото шоу за да му посвети песна на својот драг колега Саша Поповиќ, кој почина пред 10 дена.
Во негова чест, Шерифовиќ ја испеа песната „Nocturno“, една од најубавите балади од Оливер Драгојевиќ, а по завршувањето едвај си ги задржа солзите.
„Привилегија беше да се познава Сале. Однесе дел од мојата душа. Никогаш нема да го заборавам и му го посветувам овој концерт“ – изјави српската ѕвезда за креативниот директор на Гранд.
Видео:
Саша почина на 1 март по тешка борба со ракот.