Раѓањето на нов живот е драгоцено искуство за мајките. Но, доаѓањето на свет на новороденче буди редица емоции и кај останатите членови од семејството. Сè повеќе родители низ светот ангажираат професионални фотографи да ги доловат тие уникатни и неповторливи моменти.
Пред два дена, Меѓународната асоцијација на професионални фотографи за породување ги објави победниците од овогодишниот натпревар. Имено, асоцијацијата секоја година избира фотографии кои најдобро го доловуваат магичниот момент на раѓањето на нов живот. Жири комисијата ги оценува професионалните фотографи според нивните вештини, како и според емотивноста и композицијата на нивните дела. Сите фотографии се направени во текот на 2015 година, што е предуслов за да учествуваат на натпреварот.
„Фотографиите од породување вклучуваат солзи-радосници, чудото на доаѓањето на нов живот на овој свет и радоста на семејствата“ – велат од асоцијацијата, која брои повеќе од 1.350 члена од 37 различни земји.
Внимание: „Додека породувањето е прекрасно, тоа исто така е хаотично и реално. Очекувајте одредена доза на голотија додека ги разгледувате фотографиите“ – пишува на сајтот на асоцијацијата.
Првите три се победнички фотографии.
