Покрај тоа што честопати се среќаваат на фудбалскиот терен, Лионел Меси и Дејвид Бекам се добри пријатели и во приватниот живот.
Токму затоа, 37-годишниот играч на Интер Мајами не ја пропушти забавата по повод 50-тиот роденден на Дејвид Бекам, кој е еден од сопствениците на клубот. На свеченоста во Мајами, Меси пристигна со убавата сопруга Антонела Рокуцо и заедно позираа со славеникот, Викторија, колегата Луис Суарез и Софи Балби.
Антонела носеше зелена креација од ателјето на Викторија, која искоментира дека ѝ се допаѓа како ѝ стои фустанот.
Пред неколку дена, Антонела присуствуваше на моден настан на Tiffani and Co. заедно со Адријана Лима и Роузи Хантингтон-Вајтли. Таа ги истакна стомачните мускули во кремова креација.
Антонела и Лео се заедно од 2008 година, а стапија во брак во 2017 година. Тие заедно имаат три синчиња.
