Некои вечери не се само настани, туку искуства што се мерат по бројот на емоции што ќе останат да одекнуваат и долго откако светлата ќе се изгаснат.
Токму таква беше затворената, ексклузивна проекција на филмот „Мајка“, во организација на A1 Македонија, што се одржа во интимната и симболична атмосфера на Кинотека на Македонија.
Кога филмот станува дијалог
Во внимателно одбран круг на гости , партнери, соработници и пријатели на брендот , A1 Македонија создаде простор каде уметноста не се гледа само со очи, туку се чувствува со целото битие.
„Мајка“, најновото остварување на Теона Стругар Митевска, не е само филм. Тоа е тивка, но моќна приказна за идентитетот, за припадноста, за ранливоста и силата што произлегува од љубовта. Проекцијата се одвиваше во атмосфера исполнета со концентрација, тишина и почит онаа ретка тишина што зборува повеќе од аплауз.
Поддршка на домашната кинематографија
Со овој настан, A1 Македонија уште еднаш ја потврди својата заложба за поддршка на македонската култура и филмска уметност. Во време кога брзината доминира, ваквите моменти не потсетуваат на вредноста на автентичната приказна и на моќта на локалниот глас што одекнува глобално.
Ексклузивноста на проекцијата не беше само во затворениот карактер на настанот, туку во внимателно креираното доживување , од амбиентот на Кинотеката, до можноста за споделување впечатоци и разговори што продолжија и по завршувањето на филмот.
„Во A1 веруваме дека вистинската поврзаност не се мери само во гигабајти и брзина, туку во емоции, приказни и вредности што ги споделуваме како заедница. Технологијата има смисла само тогаш кога создава простор за вистински човечки моменти за разговор, инспирација и споделено искуство.
Поддршката на домашната кинематографија за нас не е еднократна активност, туку долгорочна определба. Како компанија која секојдневно поврзува илјадници луѓе, чувствуваме одговорност да вложуваме и во содржини што ја збогатуваат културната сцена и го афирмираат македонскиот креативен потенцијал.
‘Мајка’ е филм што допира длабоко, отвора важни општествени прашања и поттикнува лична рефлексија. Токму затоа сакавме оваа проекција да биде простор каде секоја гостинка ќе може целосно да ја доживее приказната и да ја сподели својата перспектива. Горди сме што преку вакви настани придонесуваме за развојот и видливоста на македонската филмска уметност,“ - изјави Бранкица Толевска, раководител на бизнис трансформација, корпоративна стратегија и корпоративни комуникации во А1 Македонија.
Вечер што се памети
A1 Македонија не организираше само проекција. Организираше доживување. И уште еднаш покажа дека кога технологијата и уметноста ќе се сретнат, настанува магија што останува.
