Ѕвездата од „Twilight“ ќе стане татко: Тејлор Лотнер го очекува првото дете, веста ја објави со слатка фотосесија

Тејлор Лотнер има радосна вест.

34-годишниот актер, кој се прослави со улогата на Џејкоб во филмската сага „Twilight“, го очекува првото дете со сопругата, со која го носат истото име – Тејлор Лотнер.

Парот ја сподели среќната вест на социјалните мрежи преку нежна и емотивна фотосесија. На фотографиите, Лотнер го бакнува трудничкото стомаче на саканата додека пред нив е снимката од прегледот со ултразвук.

„Што е подобро од двајца Тејлор Лотнер? 🤍 “ – стои во описот на албумот.

Ѕвездата од „Twilight и неговата избраничка јавно ја објавија врската во 2018 година, а тој ѝ предложи брак во ноември 2021 година.

Свадбата беше една година подоцна во Калифорнија.