Два нови национални рекорди: Дарио Ивановски и Дарија Крстевска испишаа нови страници во македонската атлетика
Викендов, на Националното првенство и Куп натпреварот на 10.000 метри беа поставени дури два нови национални рекорди.
Дарио Ивановски и Дарија Крстевска со своите извонредни настапи испишаа ново поглавје во македонската атлетика.
Дарио триумфираше во сениорска конкуренција, освојувајќи го првото место со време од 29:07.11 минути. Со овој резултат тој постави нов национален рекорд, подобрувајќи го претходниот за импресивни 24 секунди.
Во женска конкуренција, доминираше Дарија Крстевска, освојувајќи го првото место кај сениорките. Таа истрча за време од 40:14.11 минути, што претставува нов национален рекорд во категоријата до 20 години. Нејзиниот резултат е подобрување за повеќе од две и пол минути во однос на претходниот рекорд.