„Дома е таму каде што е срцето“: Меланија Трамп ги покажа празничните декорации во Белата куќа кои самата ги избрала

Меланија Трамп ги откри за јавноста празничните декорации во Белата куќа.

Првата дама на САД лично го избирала секој детаљ од празничниот декор, процес кој започнува месеци порано, а оваа година е на тема: „Дома е таму каде што е срцето“ (Home Is Where The Heart Is).

Просториите на Белата куќа се украсени со повеќе од 50 елки, 75 венци, над 10.000 пеперутки и повеќе од 2.800 златни ѕвезди.

Видео

Home Is Where the Heart Is
AMERICA’S CHRISTMAS

This Christmas, let’s celebrate the love we hold within ourselves and share it with the world around us. After all, wherever we are, we can create a home filled with endless possibilities. pic.twitter.com/VouZAtLpHU

— First Lady Melania Trump (@FLOTUS) December 1, 2025

Меланија била инспирирана од радостите, предизвиците и постојаното движење коишто произлегуваат од мајчинството и работата. 

Постојаното движење ме научи дека домот не е само физички простор, туку е топлината и утехата кои ги носам во себе, без разлика каде се наоѓам. Овој Божиќ, да ја прославиме љубовта која ја носиме во нас и да ја споделиме со светот околу нас. На крајот на краиштата, каде и да сме, можеме да создадеме дом исполнет со благодат, сјај и бесконечни можности – стои во изјавата на Првата дама на Америка.

Дизајнерот Ерв Пјер бил задолжен за реализацијата на нејзината креативна визија, а во декорирањето биле ангажирани десетици волонтери од различни краишта на Америка.