Џуд Ло со двете деца и сопругата на примањето ѕвезда на Патеката на славните во Холивуд

Џуд Ло ја доби 2.798-мата ѕвезда на холивудската Патека на славните.

На церемонијата, 51-годишниот актер ја доби поддршката од неговото гордо семејство. Сопругата Филипа и неговите две пораснати деца со насмевка позираа покрај Џуд, кој има глумено во бројни незаборавни филмови, како „The Talented Mr. Ripley“, „The Holiday“, „Fantastic Beasts: The Crimes of Grindelwald“ и „Captain Marvel“.

Филипа, која е 13 години помлада од Ло, носеше кратко црно фустанче со сако, 23-годишната Ајрис шармираше во бело фустанче со златен колан, а 27-годишниот Раферти носеше ролка и сако.

Ајрис и Раф се деца на Џуд од бракот со актерката Седи Фрост со која се разведоа во 2003 година. Тој има уште пет други деца, од кои само две се со сегашната сопруга Филипа.