Џенифер Лопез во палто од 7.000 свежи латици и со невообичаени очила на ревијата на Schiaparelli
Џенифер Лопез не престанува да изненадува со модните избори.
На вчерашната ревија на брендот Schiaparelli, 54-годишната пејачка носеше палто направено од 7.000 свежи латици од бели рози. Славната музичарка објасни дека нежните ливчиња биле одржувани со шеќерна вода, позната како нектар за колибри.
Под палтото, Џеј Ло носеше модна комбинација од црни хеланки со висок струк и бела ролка. Својот изглед, таа го надополни со невообичаени златни очила.
Лопез, заедно со бројни познати личности, од првиот ред ја проследи ревијата на која се презентираше колекцијата висока мода за сезоната пролет/лето 2024 на модниот бренд.
