Џенифер Анистон и Џастин Теру се заколнаа на вечна љубов. Холивудскиот пар се венчал во дворот на домот во Бел Ер.
Според информации до кои дојдоа американските медиуми, популарните актери си го кажале судбоносното „Да“ пред повеќе од 70 пријатели и роднини.
Засега се објавени само неколку папараци-фотографии од прославата.
Наводно гостите не знаеле дека одат на свадба, бидејќи им било кажано дека станува збор за роденденска прослава за Џастин. „Џен и Џастин сакаа да ги изненадат гостите и навистина ги изненадија“ – пишува People, цитирајќи близок на парот.
Анистон и Теру се верија пред две години. Ова е втор брак за 46-годишната актерка, која се разведе од Бред Пит во 2005 година.