Џастин Тимберлејк ќе биде дел од Евровизија 2016. 35-годишниот пејач ќе ја промовира својата најнова песна „Can’t Stop the Feeling“ на финалната вечер од големиот музички натпревар.
„Ова е фантастична можност, ние сме многу среќни и возбудени што Џастин Тимберлејк ќе ја изведе новата песна заедно со неговиот бенд во нашето шоу. Горди сме што ќе му посакаме добредојде на еден од најдобрите светски артисти! Чести ни е и тој е инспирација за сите нас“ – изјавуваат продуцентите на овогодишното евровизиско шоу.
За првпат во историјата на Евровизија, на сцената ќе настапи глобална суперѕвезда која не учествува во натпреварот.
„Can’t Stop the Feeling“ ќе биде дел од саундтракот на филмот „Trolls“.