Ангелот на Victoria's Secret, Адријана Лима, можеби го има најпосакуваното тело на светот. Каде и да се појави, нејзините прекрасни облини ги привлекуваат погледите и објективите. Која е нејзината тајна?
Диетата
Прекрасната линија Адријана Лима не ја одржува со некоја строга диета. Таа е приврзаник на диетата за контрола на порциите, т.е. јаде сè што ќе посака во мали количини. Адријана не е личност што се откажува од нејзините омилени храни (месо, колачиња и чоколадо), но го ограничува нивното консумирање.
Наутро нејзиниот појадок е пообилен и како што поминува денот нејзините оброци се намалуваат. Според неа, најдобро се спие ако не јадете тешка храна пред легнување.
Типичен ден на Адријана
Појадок: белки од јајца, каша од овес со суво грозје или мусли со јогурт и мед, кафе и млеко.
Ручек: една порција месо (риба, пилешко или црвено месо) со зеленчуци.
Ужина: сурови зеленчуци како краставица или морков. Лима е обожавателка на чоколадото, па не пропушта да го засити својот глад за слатко со неколку коцки чоколадо или лажичка мед.
Вечера: мала порција салата.
Совети
Адријана Лима секогаш кога зборува за диети или здраво хранење, дава два многу корисни совети:
- Пијте многу вода.
- Обидете се да имате здрав и мирен сон.
Фитнесот
Адријана Лима вежба за да биде секогаш во топ форма. Нејзина омилена активност е бразилската воена вештина Capoeira, која е комбинација од музика, танцување, аеробик и специјална кореографија која имитира борба. Исто така обожава да скока на јаже и да прави кардио вежби. Можеби ќе се изненадите, но една од нејзините активности е и боксот.
Поради фактот што често патува, секогаш кога нема време за вежбање Адријана трча на патека околу 30 минути, за да не ја изгуби својата топ форма.
Галерија
