„Девојката со крилја“ го изгуби нероденото дете: „Бебето немаше развиени горни екстремитети и сериозна срцева мана“

Дејана Бачко тагува. Србинката позната како „Девојката со крилја“ соопшти дека го изгуби второто дете.

Во емотивна порака, таа соопшти дека бебето имало неразвиени раце и сериозна срцева мана, па бременоста била прекината:

„Мораме да споделиме со вас една тажна вест – го изгубивме нашето бебе во четвртиот месец од бременоста. 😔

Во вторникот, за време на редовниот преглед, д-р Стајиќ забележа дека нешто не е во ред. Нашето бебе немаше развиени горни екстремитети, а срцето, иако чукаше, имаше сериозна срцева мана.

Тешко е да се пронајдат вистинските зборови за вакви моменти. Сепак, благодарни сме што лекарите навреме увидоа дека нешто не е во ред и ни помогнаа да ја донесеме најтешката одлука. Јас добро знам низ што сум поминувала во текот на мојот живот и никому на светот не би му го посакала истиот пат.

Во исто време, бескрајно сме благодарни што веќе имаме едно здраво, паметно и преубаво девојче кое е нашето најголемо богатство. Таа секој ден нè потсетува колку е скапоцен животот.“

31-годишната Србинка и нејзиниот сопруг Марко Незиќ се родители на ќерката Лара.

Дејана и Марко соопштија дека очекуваат второ дете пред една недела.