Деловна елеганција: Џенифер Лопез во бел костум на настан во Лос Анџелес

Џенифер Лопез им ја дава својата поддршка на Латиноамериканките. 53-годишната ѕвезда присуствуваше на настанот „Raising Latina Voices“, за да охрабри 400 жени-претприемачи да ги следат своите амбиции.

Во „Universal Studios“, славната пејачка одржа моќен говор. Таа носеше бел костум од Fendi, обувки на ултра високи потпетици од Valentino и чантичка од Charles & Keith.

„Чувствувам дека на оваа земја ѝ требаат повеќе љубов и позитивност. Луѓе кои сакаат да прават добри работи. Да не се борат еден против друг, туку да си подаваат рака. Тоа ми е важно“ – изјавила Лопез, која преку својата непрофитна организација се залага за подобра економска положба на Латиноамериканките во САД.