Дама во златно: Амал Клуни блескаше покрај Џорџ на црвениот тепих во Лондон, се сретнаа и со кралот Чарлс

Амал Клуни привлече многу погледи на црвениот тепих во Лондон, каде чекореше рака под рака со сопругот Џорџ.

48-годишната адвокатка за човекови права блескаше покрај 65-годишниот актер во впечатлив златен фустан на свеченоста по повод 50-годишнината од Фондацијата на кралот Чарлс, „The King’s Trust“, која се одржа во „Royal Albert Hall“ во Лондон.

Креацијата на Амал е дело на модната куќа Александар Меквин, а таа ја искомбинира со високи потпетици и елегантна чантичка. Џорџ изгледаше префинето во темносин костум и очила за сонце.

На настанот, парот се сретна со британскиот крал Чарлс и кралицата Камила, кои беа пречекани со аплауз од гостите. Кралот се појави во класичен темносин костум, а Камила избра впечатлив син фустан од чипка и виолетова наметка.

„The King’s Trust“ е основан од кралот Чарлс во 1976 година и досега им има помогнато на повеќе од еден милион млади луѓе во Велика Британија да изградат самодоверба, вештини и подобра иднина.