Четири дечиња од едно семејство зачнати со ин витро во емотивна посета на тимот кој им даде живот

Средбите меѓу ИВФ тимот на „Плодност“ и дечињата зачнати таму со вонтелесно оплодување се секогаш специјални.

Од битолската болница споделија фотографии од посетата на три сестрички и едно братче, кои беа зачнати со ин витро токму во „Плодност“.

Станува збор за тројки кои се родени пред една и пол година во болницата, а во посета пристигнаа заедно со нивната постара сестричка, родена пред три и пол години во Швајцарија. Всушност, сите четири деца се зачнати со ин витро во „Плодност“.

СПЕЦИЈАЛНА ПОСЕТА. НÈ ПОСЕТИЈА НАШИТЕ ТРОЈКИ 

Специјална за нас посета, нè посетија нашите тројки, породени пред една и пол година во Болница Плодност, заедно со нивната постара сестричка, родена пред три и пол години во Швајцарија.

Она што ја прави оваа приказна уште поубава е тоа што сите четири дечиња се зачнати со ин витро во Плодност.

Четири деца. Едно семејство. Една богата, силна и успешна приказна.

Ваквите средби се најголемата награда за целиот наш тим.

Им благодариме што не нè заборавија и што ја споделија својата радост со нас.

Инаку Прим. Д-р Таше Трпчевски со дел од ИВФ тимот на Болница Плодност во моментов е во Лондон, на Европскиот конгрес за хумана репродукција 2026.