Бритни Спирс и Сем Асгари тагуваат поради спонтан абортус. 40-годишната пејачка објави на Instagram дека го изгубила нероденото бебе.
„Со длабока така мораме да соопштиме дека рано во бременоста го изгубивме нашето бебе-чудо. Ова е ужасен период за секој родител. Можеби требаше да почекаме до понапредна бременост за да објавиме, но бевме превозбудени да ги споделиме добрите вести.“
„Љубовта која ја имаме еден за друг е нашата сила. Ќе продолжиме да се обидуваме да го прошириме нашето прекрасно семејство. Благодарни сме ви за сета ваша поддршка. Љубезно ве замолуваме за приватност во овој тежок момент.“
Бритни
Ова ќе беше прво дете на Бритни со Сем. Таа е мајка и на 16-годишниот Шон Престон и 15-годишниот Џејден Џејмс од бракот со Кевин Федерлајн.
Бритни и Сем се верија во септември минатата година.
Минатата година поп-ѕвездата обелодени дека поради старателството на нејзиниот татко Џејмс не ѝ било дозволено да има деца. „Би сакала да продолжам понатаму, да можам да се омажам и да имам бебе. Ми рекоа дека сега не можам да стапам во брак, ниту да имам бебе. Имам интраутерина влошка за да не забременам. Сакам да ми биде извадена за да можам да се обидам да имам уште едно бебе. Но, овој таканаречен тим, не ми дозволува да одам на доктор за ја извадам, бидејќи не сака да имам повеќе деца“ – рече таа на рочиштето пред да биде ослободена од старателството.