Брендон, Дона, Кели... Ѕвездите од „Беверли Хилс“ се збогуваат со колешката Шенон Доерти која почина од рак
Шенон Доерти ја изгуби долгогодишната битка со ракот на дојка, а нејзините колеги од хит-серијата „Беверли Хилс, 90210“ не останаа рамнодушни на веста за нејзината смрт.
Џејсон Присли, Тори Спелинг, Џени Гарт, Габриел Картерис и Брајан Остин Грин со емотивни пораки се збогуваа со нивната колешка која ја глумеше Бренда Волш.
Џејсон, кој го портретираше Брендон, братот-близнак на Бренда, сподели заедничка фотографија со Шенон и напиша:
„Шокиран сум и тажен што дознавам за смртта на мојата пријателка Шенон. Таа беше сила на природата и ќе ми недостига. Испраќам љубов и светлина до нејзиното семејство во овие темни времиња“.
Џени (Кели Тејлор), објави две фотографии со Шенон и напиша:
„Сè уште ја процесирам мојата огромна тага поради загубата на мојата долгогодишна пријателка Шенон, жената која често ја опишував како една од насилните личности кои некогаш сум ги познавала. Нашата врска беше вистинска и искрена. Таа беше смела, страсна, решителна, љубезна и полна со љубов. Ќе ми недостига и секогаш ќе ја ценам во моето срце и во моите спомени. Срцето ми се кине за нејзиното семејство и за сите кои ја сакаа“.
Брајан Остин Грин ја нарече Шенон „сестра“ во пораката на Instagram.
„Шен, сестро моја... Ме сакаше низ сè. Беше голем дел од моето разбирање на љубовта. Ќе ми недостигаш повеќе отколку што можам да процесирам сега. Ти благодарам за дарот којшто беше“ – напиша актерот познат по улогата на Дејвид Силвер.
Тори постави објава со скршени срциња и напиша дека сè уште нема зборови.
Габриел, која ја имаше улогата на Андреа Зукерман, го спомена и покојниот Лук Пери. Таа напиша: „Многу млада, многу жално. Почивај во мир Шенон. Знам дека Лук е таму со раширени раце за да те сака“.
Лук Пери ја имаше улогата на Дилан МекКеј. Тој почина во март 2019 година.
Серијата „Беверли Хилс“ се емитуваше од 4 октомври 1990 година до 17 мај 2000 година, а го следи животот на млади тинејџери кои живеат во Беверли Хилс, Калифорнија.
