Браво тато! Филип Кузмановски доби аплауз од синчето откако беше прогласен за МВП на натпреварот со Португалија

Филип Кузмановски и македонската ракометна репрезентација имаат огромна поддршка не само на трибините, туку и пред малите екрани.

Несомнено, најслатката поддршка за нашиот капитен доаѓа од неговото синче Матијан, кое верно навива за него. Сопругата на Филип, Моника, сподели видео во кое нивното едногодишно синче го гледа тато како станува МВП по постигнатите 15 голови во натпреварот против Португалија.

Малото детенце покажува кон телевизорот, а потоа неодоливо аплаудира за успехот на татко му.

Бројни беа честитките упатени кон Кузмановски по огромната радост која со целата репрезентација им ја донесоа на македонските љубители на ракометот.

Денес, Македонија ќе ги одмери силите на теренот со репрезентацијата на Романија. Натпреварот започнува во 18:00 часот.