Добрата музика не познава географија и граници.
Женски хор од Шведска ја отпеа култната песна „Скопје“ од легендарната рок група Леб и сол и предизвика лавина позитивни реакции на социјалните мрежи.
Хорот „Братства и детињства“ од Стокхолм сподели видео од настапот пред бројната публика, која беше одушевена од импресивната интерпретација на композицијата.
Хорот е основан во Стокхолм по иницијатива на српската пејачка и композиторка Кристина Ковач, ќерка на композиторот Корнелие Ковач. Идејата се родила од желбата да создаде заедница во која музиката ќе биде простор за пријателство, креативност и културно поврзување на луѓе од различни земји.
Денес ансамблот брои повеќе од 50 члена, претежно жени на возраст меѓу 40 и 50 години, од различни националности.
