Браво! 7-годишно девојче од Македонија по вторпат ја донираше својата коса за деца болни од рак

Малата Дина има срце големо колку планина. 7-годишното девојче по вторпат во животот ја донираше својата коса за перики за деца болни од рак.

Овој прекрасен гест на Дина е само за пофалба.

„По две години повторно, по втор пат, косата ни е спремна за донација, за изработка на перики за децата болни од рак. Со секојдневни мали чекори, заеднички можеме да допринесеме до посреќно детство на сите дечиња“ – вели нејзината мајка Селма.

Првата донација на коса, малата Дина ја направила на 5-годишна возраст.

Фотографиите се објавени со дозвола од родител.