Ленче Гонева води тешка битка со ракот. По една година лекување во Македонија, таа го продолжи третманот во болница во Турција.
Со тоа, финансиските трошоци на нејзиното семејство драстично пораснаа и сега тие молат за помош.
Нејзината ќерка Александра сними видео во кое се заблагодарува за досегашните донации и ги замолува сите хумани граѓани да донираат онолку средства колку што можат.
Здраво луѓе, јас сум Александра, ќерка на Ленче, која моментално се бори рак на дебелото црево. После една година лекување во Македонија, состојбата на мајка ми стануваше сè полоша и полоша, затоа денеска таа се наоѓа во Турција, каде што го продолжува нејзиното лекување.
Трошоците за лекувањето овде се многу големи, затоа сакам од име на мајка ми и од мое име да ви се заблагодарам за досегашната поддршка, благодарам на сите донатори, на сите кои на било каков начин се вклучија во собирање на средствата. Меѓутоа, морам да ви кажам дека борбата не застанува тука. И по завршување на радиотерапијата, трошоците во болницата мора да бидат покриени за таа да продолжи со хемотерапија, која е од исклучителна важност за неа. Затоа, ве молам, сите кои што се во можност да донирате, направете го тоа, споделете го ова видео да стигне до што повеќе луѓе, бидејќи болеста не чека. Секој ден, секој час е важен. Ви благодарам.
Погледнете го видеото:
Броеви за донации:
А1: 143 473
Телеком: 143 110
Трансакциска сметка:
270700052146373
Александра Гонева
Халкбанк АД Скопје
Апелот на Ленче објавен на фондацијата Павел Андреев:
Сите што ме познаваат знаат – секогаш сум била таму кога некому му требало. Помагав, трчав, се давав до последен атом... но ретко, многу ретко се грижев за себе. А животот... тој секогаш знае кога да нè сопре. Пред повеќе од една година, ми покажа дека е време да се погледнам себеси. Дијагнозата – рак на дебело црево – падна како гром. Шок. Страв. Неверување. Болка што не се опишува.
Оттогаш, па сè до денес – 14 хемотерапии, 10 зрачења на глава, бескрајни денови на физичка и душевна болка... и болеста не запира. Се шири. Но знајте – јас не се откажувам. Ќе се борам. За мене. За моите деца. За моите внуци. За секој утрински здив и секоја насмевка што допрва ме чека.
Состојбата се влоши и единствениот излез е продолжување на лекувањето во Турција. Но, моето семејство, иако ми е најголемата поддршка, финансиски не може да го поднесе ова.
Затоа Ве молам, од срце: ПОМОГНЕТЕ МИ. ДОНИРАЈТЕ.
Секој ден е пресуден. Секоја донација, колку и да е мала, за мене значи чекор поблиску до животот.
Дајте ми шанса да продолжам да се борам. Да живеам. Да ги гушкам моите. Да се излечам.
Здравиот човек има илјада желби. Болниот – само една: да оздрави.
А за таа желба да ми се исполни... ми треба Божја, но и ВАШАТА помош.
