Блеска и во шестата деценија од животот: Анџелина Џоли во проѕирна креација на црвениот тепих во Париз
Анџелина Џоли несомнено знае да остави силен впечаток и покрај тоа што веќе чекори во шестата деценија од животот.
50-годишната актерка се појави на црвениот тепих на париската премиера на филмот „Couture“, каде го украде целото внимание во впечатлив, проѕирен сребрен фустан од Живанши.
Холивудската ѕвезда го надополни стајлингот со луксузен накит направен специјално за неа, кој вклучуваше прстен со 15-каратен зелен дијамант и дискретни дијамантски обетки, а изгледот го заокружи со црни салонки.
Во „Couture“, Џоли игра режисерка која се соочува со дијагноза на рак на дојка, приказна која наликува на животот на нејзината мајка, Маршелин Бертран, која ја изгуби битката со истата болест во 2007 година. Џоли откри дека за време на снимањето носела ѓердан кој ѝ припаѓал на мајка ѝ, за да ѝ даде сила и утеха.
Филмот е режиран од Алис Винокур, која доби ексклузивен пристап до ателјеата, работилниците и салоните на Chanel.