Кристина Агилера обожава да го трансформира својот изглед со силна шминка, вештачки трепки и надградба на косата. Токму затоа нејзиното природно издание во списанието „Paper“ крена голема прашина.
За својата нова трансформација, таа вели: „Отсекогаш сум била личност која очигледно сака да експериментира, сака театралност, сака да креира приказни и да игра разни ликови во видео или на сцената. Јас сум изведувач по природа. Но, сега сум во фаза, дури и на музички план, во која можеш да тргнеш сè и да го цениш она што си и твојата сирова убавина.“
