Бен Афлек ѝ го даруваше на Џенифер Лопез неговиот дел од вилата од 60 милиони долари за да „раскрсти“ со неа

Бен Афлек ја прекина и поседната врска која го спојуваше со Џенифер Лопез.

53-годишниот актер се откажа од неговиот дел од луксузниот имот во Беверли Хилс вреден 60 милиони долари и тоа без никаков надомест. Според странските медиуми, со овој потег, актерот ѝ дал целосна сопственост на Лопез за да „раскрсти“ целосно со неа.

Извор близок до поранешната двојка открива дека одлуката на Афлек не е толку гест на великодушност, колку што е чекор за да се затвори едно поглавје. 

„Куќата е последната врска меѓу нив. И тој сака да биде прекината, брзо. Мирот вреди повеќе од парите“ – рекол изворот.

Џенифер и Бен го купија имотот во 2023 година, веднаш по свадбата, вложувајќи дополнителни милиони во реновирање. Но, по нивната разделба и официјалниот развод во 2025 година, вилата остана на пазарот подолго време без да најде купувач и покрај неколкуте намалувања на цената.

Лопез сè уште престојува таму додека се реновира нејзиниот нов дом.