Бакнежот на Оскар за кој сите зборуваат: Хали Бери го бакна Адриен Броди пред девојката за да му се „реваншира“

Поминаа повеќе од две децении откако Адриен Броди страсно ја бакна во уста Хали Бери на сцената на Оскар 2003.

Моментот, кој многумина го паметат до ден-денес, се случи кога Броди беше прогласен за победник во категоријата Најдобар актер за „The Pianist“. Хали беше на сцената за да му ја додели статуетката, а тој ја повлече кон себе и неочекувано ја бакна.

Сега, 58-годишната актерка одлучи да се „одмазди“ и го бакна 51-годишниот актер во уста пред неговата девојка Џорџина Чапман.

Во видеото кое таа го објави на социјалните мрежи, двајцата актери се среќаваат на црвениот тепих пред манифестацијата. Хали ѝ се извинува на Џорџина и го бакнува Адриен.

„Изненадување! Морав да се реванширам“ – напиша таа.

@halleberry

Surpriseee!! I had to get some payback

♬ original sound - Halle Berry

„Умирав да му се реванширам цели 22 години. Имав шанса да го направам тоа на неговата голема вечер“ – рече таа во интервју за ET.

A reunion 22 years in the making. #Oscars pic.twitter.com/MkaF2xb6SE

— The Academy (@TheAcademy) March 2, 2025

По бакнежот во 2003 година, Адриен се соочи со многу критики за постапката која беше непланирана и за која Хали не знаеше ништо. Во интервју, минатиот месец, тој рекол:

„Ништо што правам или што имам направено не е направено со намера да повредам некого“.

Броди доби Оскар за Најдобар актер за улогата во „The Brutalist“. Адриен и Џорџина се во врска од 2020 година.