Авантуристичко семејство: Брачен пар продаде сè за да патува со своите две деца низ светот

Млад брачен пар продаде сè што поседуваше и со собраните средства тргна на долга и незаборавна авантура низ светот заедно со своите две мали деца.

Знаејќи дека планетата Земја изобилува со фантастични места, Гарет и Џесика Ги не биле подготвени да се стационираат на една локација и таму да го градат својот живот, кариера и семејство. Желбата да ужива максимално во младоста и да се зближи повеќе во своите две мали дечиња го натера вљубениот пар да ја донесе оваа одлука, за која сигурно нема да се кае во иднина.

„Не ни требаше нова куќа или нови авотмобили. Бевме млади, здрави и навистина не ни требаа многу нешта. Па, на шега зборувавме да ги ставиме нашите пари во заштеда, да продадеме сè и да ги користиме тие средства за да патуваме низ светот. Каде ќе одиме? Што ќе правиме? Кога почнавме да додаваме планови во нашата листа, тоа полека почна да станува реалност“ – вели Гарет.

Фотографиите од патувањата, тие ги објавуваат на својот блог и профилот на Instagram, The Bucket List Family, кој го следат речиси 400.000 лица.

„Како млада фамилија одлучивме дека сега е вистинското време да оформиме здрави навики и да креираме традиции со надеж дека тие ќе нè прават подобри луѓе до крајот на нашите животи“ – пишува авантуристичкиот пар на својот блог.

25-годишниот Гарет и 29-годишната Џесика стапиле во брак во 2009 година. Во 2014 година, Гарет направи успешна апликација, која им ја продаде на Snapchat за 54 милиони долари. Сепак, парот тие средства не ги користи за патувањата, туку ги чува како заштеда.

Нивната ќеркичка Дороти има три години, а синчето Манила има само една година. И покрај тоа што малите русокоси дечиња нема да ги паметат овие моменти, тие ќе ги имаат прекрасните фотографии кои ќе мамат насмевки на нивните лица години подоцна.