Атрактивна и на 55 години: Памела Андерсон на два настани за документарецот за нејзиниот живот
Памела Андерсон го промовира документарниот филм „Pamela, a Love Story“ во кој конечно самата ја раскажува својата приказна за патот кон славата, бурните романси и секс скандалот со украдената касета.
55-годишната актерка присуствуваше на премиерното прикажување на документарецот во Лос Анџелес, каде привлекуваше погледи во црвен фустан кој многумина ги потсети на нејзина улога во „Baywatch“. Припиената креација доаѓа од ателјето на дизајнерот Наим Кан.
Памела беше придружувана од синовите кои ги има со бившиот сопруг Томи Ли.
Андерсон присуствуваше и на забава во Њујорк организирана по повод документарниот филм. Таа носеше црно-бело палто од Серхио Хадсон и сатенски фустан.
Постариот син на Памела е продуцент на документарецот за неа кој се прикажува на Netflix.
Во интервју, тој објасни дека неговата мајка заработува само по 4.000 долари годишно од „Baywatch“ поради лошите договори кои ги склучила во младоста.
„Луѓето ќе бидат шокирани кога ќе откријат како некои луѓе ја искористија. Многу луѓе направија пари од тоа... Тоа е криминал“ – рекол тој.
