Атлетичарка доби менструација сред маратон, продолжи без пауза и со крв на нозете стигна до целта за 2 часа и 35 минути
Ли Мејжен стана светска инспирација откако заврши маратон и покрај тоа што доби менструација на околу 8 километри пред целта.
25-годишната кинеска маратонка се натпреварувала на трката на езерото Хенгшуи кога ѝ потекла крв по нозете. Иако тоа било видливо за другите, Ли во ниту еден момент не помислила да се откаже.
Таа продолжила да трча и ја минала целната линија со импресивно време од 2 часа и 35 минути, исполнувајќи го квалификацискиот норматив кој ѝ бил неопходен за настап на претстојно првенство.
„Ако се откажев, ќе морав повторно да трчам цел маратон за да го исполнам нормативот“ – објаснила атлетичарката, додавајќи дека целта ѝ била поважна од моменталната непријатност.
Ли брзо стана вирален хит на социјалните мрежи и отвори важна дискусија за менструацијата во спортот и стигмата која сè уште постои околу оваа природна појава. Илјадници луѓе ја пофалија нејзината истрајност и порачаа дека менструацијата не треба да биде причина за срам или пречка во остварувањето на спортските цели.
Мејжен и претходно ја има покажано неверојатната издржливост. На минат маратон поставила свој личен рекор иако трчала со силни болки во стомакот.
