Астронаут објави прекрасна ноќна фотографија од Македонија и ни дозволи да ја погледнеме нашата татковина од вселената.
Македонија од вселената
Скот Кели е американски астронаут кој во 2012 година беше избран да учествува во специјална едногодишна мисија во Меѓународната вселенска станица. Тој ја започна мисијата во март 2015 година, а на 251-виот ден од неа објави фотографија од Република Македонија направена од вселената.
„Ден 251. Поздрав до моите пријатели во Македонија. Добра ноќ од Меѓународната вселенска станица“ – напиша Кели во објавата која за само 11 часа има речиси 17.000 допаѓања и над 2.200 споделувања на Facebook.
Претходно астронаутката Саманта Кристофорети ни дозволи да ги погледнеме Скопје и Охрид од вселената на дневна светлина. Фотографиите беа објавени на профилот на Twitter на Саманта на крајот од минатата и почетокот на оваа година.
Охрид од вселената
„На бреговите на Охридското Езеро, градот Охрид во Македонија, еден од првите основани во Европа“ – напиша италијанската астронаутка. На фотографијата од Скопје пак пишува: „Македонија! Еве го вашиот главен град Скопје од вселената ова утро. Добро утро Скопје, Македонија!“
Скопје од вселената