Арина Сабаленка на тренинг како невеста: Белоруската тенисерка со вел вежбаше фрлање на бидермаер на теренот

Една недела по веридбата, Арина Сабаленка се појави на тренинг со вел и бидермаер во рацете и ги насмеа присутните.

На турнирот во Индијан Велс, 27-годишната тенисерка добила невестински „реквизити“ од публиката, а Белорусинката одлучила да ја прифати шегата и да ја претвори во шоу.

Дел од тренингот, таа поминала во фрлање бидермаер како на свадба.

На почетокот од месецов, Сабаленка го прифати предлогот за брак на бразилскиот бизнисмен Георгиос Франгулис, основач на компанијата Oakberry.

Иако изгледаше како да е подготвена за олтар наместо за терен, Сабаленка брзо покажа и дека е во врвна форма и во четвртфиналето ја совлада Канаѓанката Викторија Мбоко.

Сабаленка и Фрагнулис за првпат беа видени заедно во април 2024 година. Нивната врска започна кратко време по трагичната смрт на нејзиниот поранешен партнер, хокеарот Константин Колцов.