Апел за помош за Горазд Николоски, битолчанецот кој ја води најтешката битка во својот живот

Горазд Николоски-Гого во моментов ја води најтешката битка во својот живот и му се потребни добродушни сојузници. Отворете го вашето срце и помогнете му да триумфира над болеста!

Неодамна на Гого му беше дијагностициран остеосарком, малиген тумор на коската на десната нога. Нему му претстои долг и тежок период на лекување. Покажете ја вашата хуманост и доколку сте во можност, донирајте. Секоја помош е добредојдена.

Гого е спортист и авантурист кој досега победувал на многу спортски натпревари.

„ДРУГАРИ, Ова е брат ми Гого. Низ животот извози многу километри, искачи многу височини, победи многу лични и спортски натпревари. Моментално го трча најважниот животен маратон, на патека со многу пречки. Но, тој е многу голем борец, со силен спортски и победнички дух, само му е потребна мала помош од нас...“ – пишува неговата сестра Јасна на Facebook.