Апел за помош: 14-годишниот Марко гледа надеж за добро здравје во терапија од 3.000 евра

Марко Џолевски има само 14 години, а веќе животот го има соочено со редица здравствени предизвици.

Неодамна во Турција беше опериран од тумор на жолчката, но неговата битка за подобро здравје сè уште трае, бидејќи живее со епилепсија, нарколепсија, апнеа, замор и болки.

По враќањето од Турција, гастрохепатолошките и невролошките состојби му се подобрени, но сега го чека нова борба. За да ја надмине апнеата, потребно е да прима терапија со 12 инјекции. Цената на целокупната терапија заедно со дополнителните лекарства изнесува 3.000 евра.

Семејството на Марко апелира до сите добри луѓе кои се во можност да помогнат со донации, за да се обезбедат средствата потребни за неговото лекување.