Анџелина Џоли беше меѓу гостите поканети на државна вечера во Белата куќа.
47-годишната актерка пристигна во Вашингтон со најголемиот син Медокс откако тој се врати во САД по неговите студии во Јужна Кореа. Убавата холивудска ѕвезда блескаше во комбинација во боја на слонова коска. Елегантниот фустан беше направен специјално за неа пред неколку години, а таа го надополни со винтиџ сако од Шанел.
Претседателот Џо Бајден и првата дама Џил Бајден ја организираа вечерата во чест на нивните гости, претседателот и првата дама на Јужна Кореа.
Анџелина и нејзиниот поранешен сопруг Бред Пит го посвоија Медокс од Камбоџа во 2002 година. Тој е нивното најголемо дете.
