Амал Клуни присуствуваше на состанок во седиштето на Обединетите Нации во Њујорк.
45-годишната адвокатка и активистка избра деловен стајлинг кој е совршен за есенските денови, а кој многу лесно може да се ископира. Таа носеше зелен миди фустан без ракави, долг бежов мантил и салонки.
Сопругата на Џорџ Клуни присуствуваше на конференција на Генералното собрание на ОН, каде се сретна со генералниот секретар Антонио Гутерес и активистката за човекови права Надја Мурад.
Претходно, Амал беше фотографирана во уште еден есенски стајлинг, но наменет за вечерните излегувања.
Вчера беше годишнината од бракот на Амал и Џорџ. Тие се заколнаа на вечна љубов на 27 септември 2014 година во Венеција.
