Александра Пријовиќ за првпат ја покажа куќата во која порасна во спотот за „Vreme prolazi“ во кој се и нејзините деца
По 3-годишна музичка пауза, Александра Пријовиќ се врати на сцената со долгоочекуваниот студиски албум „Bol i alkohol“.
Албумот носи 9 нови песни, а секоја од нив е проследена со видеозапис. Еден од музичките спотови привлече особено внимание и поттикна многу коментари кај публиката. Станува збор за екранизацијата на емотивната песна „Vreme prolazi“.
Српската пејачка се враќа во семејниот дом во Бели Манастир и за првпат пред јавноста ја покажува куќата во која пораснала. Во видеото се појавуваат многу членови на нејзиното семејство, а за првпат пред камери е и нејзината мала ќерка Ариа. На самиот крај, Пријовиќ го бакнува бебенцето заедно со синот Александар.
Многумина забележаа дека домот е скромен и далеку од луксузот со кој често се поврзуваат музичките ѕвезди. Токму таа едноставност ги освои обожавателите, кои во коментарите истакнаа дека Пријовиќ останала верна на своите корени и покрај огромниот успех кој го постигна во последните години.