Актерката Емилија Мицевска стана мајка, со фотографија објави дека со сопругот добија синче

Емилија Мицевска и нејзиниот сопруг Деан Стојковски станаа родители.

Македонската актерка со слатка фотографија сподели дека нивното синче пристигна на овој свет.

Во неодамнешно интервју за Фемина, Емилија го откри името на бебенцето. 

„Ќе се вика Давид. Таа тема веднаш ја решивме, и двајцата брзо се согласивме, откако го дознавме полот. За нас, Давид е љубов, верба и нов почеток“ – изјави таа.

За Фемина, Мицевска сподели и дека патот до мајчинството не бил едноставен и дека има доживеано неколку спонтани абортуси.

„Поминав низ период кога медицинските прогнози беа скептични во однос на мојата можност да станам мајка. Зад мене стојат неколку спонтани абортуси и хируршка интервенција. Буквално ми беше кажано дека нема шанси и дека тешко ќе може да останам бремена“ – ни откри Емилија.