63-годишна баба одби да седи дома и да чува внуци, продаде сè што имаше и сега патува низ светот

Никогаш не е предоцна за да си ги следите соништата.

Баба од Бразил привлече големо внимание откако одби да седи дома за да ги чува внуците и наместо тоа избра да патува низ светот. Своите авантури таа ги документира на Instagram.

Јосефа Феитоса немала шанси да ги посети омилените земји, бидејќи цел живот им го посветила на трите деца. Но, кога дошол моментот да замине во пензија, таа не го направила она што се очекувало од неа – да се грижи за внуците, нешто што е обичај во Латинска Америка.

63-годишната жена продала сè што имала за да има доволно средства да го следи својот сон. Сепак, многумина ја осудија поради оваа нејзина одлука, нарекувајќи ја „себична“, на што таа возвратила:

„Има многу живот надвор од малата кутија наречена дом. Не стануваш баба за да се грижиш за внучето. Бабите не би требало да се грижат за внуците“.

Јосефа ги охрабрува повозрасните жени да ги следат нивните соништа и да ја преземат контролата врз сопствените животи, ослободувајќи се од предрасудите и стереотипите наметнати од општеството.