Хали Бери недискутабилно се вброи во најдобро облечените дами на оскаровската модна парада.
Популарната актерка пленеше во креација со 7.000 огледални фрагменти од Кристијан Сириано. Фустанот вклучуваше и странични проѕирни панели украсени со кристали кои уште повеќе ја истакнаа привлечната силуета на Бери.
По манифестацијата, не стивнуваат коментарите полни со восхит за убавата актерка која изгледа со децении помладо.
Хали, која се закити со Оскар во 2002 година, присуствуваше на синоќешниот настан во Театарот „Долби“ во улога на презентерка.