Памела Андерсон неодамна одлучи да ја фрли скапата декоративна козметика и да се посвети на негување на природниот изглед.
56-годишниот модел сними модна кампања за брендот Proenza Schouler, а на рекламната фотосесија се појави без грам шминка.
Поранешната секс бомба самоуверено позираше во неколку креации од њујоршката модна куќа.
Неодамна, Памела изјави дека не сака да ја брка младоста, бидејќи наскоро ќе наполни 60 години и го прифаќа својот изглед.
„Станува збор за самоприфаќање. Моментално сум во тоа поглавје од мојот живот. Понекогаш тоа е голем предизвик. Мора да сфатиш дека си доволно добра, дека си убава. Да се брка младоста е бескорисно. Никогаш нема да ја стигнеме, па зошто да не ја прифатиме реалноста?“ - рекла таа.
