Три идентични сестри на ист датум го слават роденденот, а сега на ист датум ќе ја слават и годишнината од бракот.
„Економичната“ идеја за заедничка свадба на идентичната тројка била на родителите, кои очигледно заштедиле доста од тоа што споиле три церемонии во една. Имено, откако трите сестри во краток период се вериле, родителите предложиле тие заедно да застанат пред олтар. Така и се случило.
29-годишните Бразилки Рафаела, Рошел и Таџиан несомнено имаат ист вкус, бидејќи избраа ист фустан, иста шминка и фризура. Сепак, младоженците умеат добро да ги разликуваат привлечните сестри.
„Ох да, знаев која е мојата. Знаев веднаш штом влезе во црквата, таа беше најубава“ – рекол Едуардо, еден од среќните младоженци.
На несекојдневната свадбена прослава присуствувале 600 лица. Свадбениот фотограф изјавил дека церемонијата била специјална и уникатна.