Пред нешто повеќе од една година, 17-годишната Ејми Бак очекувала дека породувањето ќе ѝ биде долго, како и останатите млади мајки кои раѓаат за првпат. Но, не ни помислувала дека ќе трпи породилни болки 20 дена пред да го роди своето синче.
Контракциите кај младата Англичанка траеле 3 недели пред таа да го роди бебето. Малиот Даниел бил роден 4 месеци порано од предвиденото и тежел само 600g. Шансите за негово преживување изнесувале само 15%, но тој денес е здраво и среќно бебе, кое штотуку го прослави својот прв роденден.
Ејми Бак имала породилни болки 3 недели пред да го роди Даниел
Ејми, која живее со 20-годишниот татко на бебето, изјавила: „Не знам како беше возможно да имам породилни болки 20 дена и Даниел да преживее и покрај тоа што беше толку мал. Гледајќи го него сега, сфаќам дека тој е мало чудо и мал борец. Толку многу пати помислив дека ќе го изгубам.“