На српските медиуми и социјалните мрежи кружат многу моменти од свадбата на српскиот рапер Албино и неговата избраничка Исидора. Но, еден мал детаљ доби особено внимание.
Имено, на свадбената прослава во отмен ресторан во Белград, наместо класичен сувенир, во чиниите гостите ги пречека по едно апче Кафетин, како симболично потсетување дека веселбата понекогаш знае да заврши со „главоболка“.
Несекојдневниот потег наиде на многу реакции на социјалните мрежи, каде дел од фановите се насмеаја на креативноста и смислата за хумор на младенците, додека други се забавуваа со коментари како „еве го најнеочекуваниот свадбен сувенир досега“.
Моментот брзо стана вирален хит, а голем број од гостите споделија фотографии од масите на кои имаше оставени Кафетин таблети. Некои побрзаа да искоментираат дека токму овој мал детаљ, кој всушност е еден од најпопуларните лекови на македонската компанија „Алкалоид“, најдобро ја отсликува енергијата на Албино како неконвенционален и духовит артист.
