Ана Костадиновска не го заборава своето „музичко семејство“, колегите од ДНК со кои делеше сцена и соништа. Како професорка по пеење во музичкото училиште „Илија Николовски - Луј“, таа се труди љубовта кон музиката и спомените од ДНК да им ги пренесе на младите генерации.
Така настана и емотивното видео кое го објави на социјалните мрежи. На снимката, нејзините ученици од трета и четврта година, од теоретскиот оддел - предмет џез и популарна музика, ја изведуваат легендарната песна на ДНК „Север и Југ“.
Ана успеа да се спаси од пожарот во дискотеката „Пулс“ во Кочани во кој трагично ги загубија животите повеќето членови на ДНК: пејачот Андреј Ѓорѓиески, клавијатуристот Филип Стевановски, гитаристот Александар Коларов, тапанарот Ѓорги Ѓоргиев, придружниот вокал Сара Пројковска, бит-боксерот Мартин Атанасовски (Буцо), тонецот Игор Велков и фотографот Александар Ефремов.
