По повеќе од шест месеци интензивно лекување и неизвесни денови, Мелани Тасева, една од најтешко повредените жртви во трагичниот пожар во дискотеката „Пулс“, си замина дома.
Убавата вест дека 18-годишната девојка се избори за својот живот ја споделија од Клиничката болница „Аџибадем Систина“ во којашто таа се лекувала откако претходно била хоспитализирана и во „Жан Митрев Клиник“ и на Воено-медицинската академија (ВМА) во Белград.
„Горди сме што нашиот тим, заедно со Мелани, по 139 дена низ лавиринтите на секојдневните кризи, се избори таа да ја добие најзначајната битка и конечно да се врати дома“ – стои во објавата на болницата.
Нејзините родители се пресреќни што нивната ќерка конечно ќе се врати дома.
