Мери Акиевска повторно стана светска шампионка во бодибилдинг.
Македонската бодибилдерка по третпат освои златен медал на светското првенство во Санта Сузана, Шпанија.
24-годишната девојка од Крива Паланка со огромна радост го сподели својот нов успех.
„Трета година по ред Химната ја слушаме на Светско, Светски Шампион и за 2023 година, Светско злато повторно носиме дома, За МАКЕДОНИЈА“ – напиша Акиевска на Instagram.
„Пред сè да се заблагодарам на мојот тренер што по трет пат успеваме заедно да ја одбраниме оваа преголема титула. Кога зборам за Преголема сакам да кажам си има своја тежина и уште поголема тежина да се достигне до таа висина и на тој настан, а посебно огромна е тежината веќе трета година по ред како одиме на Светско и се враќаме дома со злато“ – дополни Мери.
