Ким Кардашијан се врати во Париз за да сведочи на судењето на крадците кои ја ограбија во хотелот во кој престојуваше за време на Париската модна недела во 2016 година.
44-годишната риалити ѕвезда, која се стреми да стане адвокатка, пристигна во судот со мајка си Крис Џенер. Ким се соочи со 10-те обвинети кои пред речиси една деценија ѝ вперија пиштол во главата, ја врзаа и ѝ украдоа накит во вредност од 10 милиони долари.
Пред судот, Кардашијан рече дека се плашела дека ќе биде силувана и убиена.
„Бев сигурна дека тоа беше моментот кога тој ќе ме силува. Апсолутно мислев дека ќе умрам“ – рекла таа.
Еден од обвинетите, Аомар Аит Кедаче, ѝ се извини на Ким за болката која ѝ ја нанесе. Иако таа му опрости, рече дека извинувањето не може да ја избрише нејзината траума.
„Ова искуство го промени мојот живот, животот на моето семејство. Работам во правниот систем и отсекогаш верував во втори шанси. Сум запознала лица кои направиле ужасни злосторства. Се обидувам да сочувствувам со нив, но исто така се борам и за жртвите. Го ценам писмото.“
„Ви простувам, но тоа не ги менува емоциите и траумата и како ми се промени животот“ – рекла таа.
Ким била таргетирана од крадците, бидејќи постојано споделувала детали каде се наоѓа. Оттогаш, нејзиниот пристап кон социјалните мрежи и нејзиниот живот многу се промениле.
„Повеќе не објавувам во реално време. Правам фотографии и видеа и ги објавувам кога ќе заминам, за луѓето да не знаат каде сум.
„Кога луѓето се качуваат по скалите, ако им викнам и ако тие не одговорат, започнувам да плачам. Еднаш ова ми се случи пред моите деца. Се обидувам да бидам силна. Имам многу обезбедување пред мојата куќа, дури и ако тоа е претерано за другите луѓе, тоа е она што морам да го направам за да се чувствувам безбедно дома“ – рекла Ким.
