Македонија е обвиена во тага и неверување по веста за убиството на 14-годишната Вања Ѓорчевска. Целата македонска јавност со денови се надеваше дека девојчето ќе биде пронајдено живо, но за жал, тоа не се случи.
Наставниците и соучениците со претажна порака се збогуваат со Вања преку Facebook профилот на општинското основно училиште „Ј. Х. Песталоци“ во кое таа учеше.
Наставниците не умеат да ја решат оваа задача, Вања.
Прости ни, не можеме, не знаеме како да се поздравиме...
Нека ти биде светол патот кон вечноста! Твојата насмевка и искрена душа засекогаш ќе останат во нашите срца.
Со неизмерна болка и љубов, твоите наставници и соученици, најмила Вања!
Вања исчезна рано наутро минатиот понеделник кога одеше кон училиштето, а нејзиното тело беше пронајдено вчера. Тројца од осомничените за нејзиното убиство се во притвор, а еден е во бегство. Во полициската станица беше повикан и таткото на Вања.
